1982 – Radio en TV Dagboek – Die singende troebadoers
Ongeveer 8 maande na Simon se geboorte, het John Ivor-Pullen, wat toe die hoof van musiek by TRUK was, vir my en Anton genooi om ‘n musiektoer te doen deur die (toe) Transvaalse platteland. Simon en my wonderlike ma het saam getoer en as ek saans op die verhoog was, het ouma my pragtige seun opgepas. Jy kan jou egter voorstel wat ‘n pakkasie dit moes gewees het! John (Ivor-Pullen) ‘n man met ‘n fyn sin vir humor, het elke oggend, na ontbyt, wanneer ons weer in die pad geval het op pad na ‘n nuwe dorp toe, na al my koffers en baba-toebehore gekyk en gesê: “… en Engela se klere!” – na aanleiding van C.J. Langenhoven se Herrie op die ou Tremspoor.
